Noong Biyernes Santo, sumama ako sa prusisyon doon sa aming baryo.
Doon sa amin sa Guisijan sa bayan ng Laua-an, probinsiya ng Antique, dalawang relihiyon ang maraming miyembro: ang Iglesia Pilipina Indipendiente o Aglipayan church at Romano Katoliko.
Mas malaki ang Aglipayan, ang simbahan na itinatag ng makabayang si Fr. Gregorio Aglipay dahil gusto niya ang relihiyon na hindi lamang nakabase sa Kristiyanismo kungdi na rin sa kasaysayan ng Pilipinas at kaugalian ng mga Pilipino.