Palagi sinasabi ng mga hindi sang-ayon sa ginawa ng Magdalo na sundalo sa Oakwood noong Hulyo 2003 at sa Manila Peninsula noong Nobiembre 2007 na kung ayaw mo ng palakad ng kasalukuyang administrasyon, tumakbo kayo sa eleksyun.
Ganun nga ang ginawa ni dating Ltsg Antonio Trillanes IV noong 2007 na eleksyun at laking gulat ng lahat na nanalo siya kahit hindi nakakulong siya at hindi siya gumastos ng malaki katulad ng marami sa sa kandidato ng administrasyun na natalo naman.
Talagang gusto ng mga dating sundalo na ito na makilahok sa pagpatakbo ng pamahalaan para maipatupad nila ang pagbabago na kanilang ninanasa para sa bayan kaya sila nag-apply ang kanilang grupo, ang Samahang Magdalo sa Commission on Elections para maisali sa partylist at makatakbo sa eleksyun ang kanilang mga kandidato.