Skip to content

Tag: Cezar Mancao

Ang lakas talaga ni Mancao sa DOJ

Published by Ellen on February 5, 2012

The incredible Cezar Mancao
Ang lakas talaga ni dating Police Superintendent Cezar Mancao kay Justice Secretary Leila de Lima.

Kahit na dinismis ng Manila Regional Trial Court ang hiling ni Mancao na hindi siya aalisin bilang akusado sa kaso ng pagpatay sa publicist na si Salvador “Bubby” Dacer at kanyang driver na si Emmanuel Corbito noong 2000, ayaw pa rin nilang alisin si Mancao sa Witness Protection Program.

Protektado pa rin nila si Mancao.

Sinabi ng mga DOJ prosecutors na may hawak ng kaso na iapela raw nila ang desisyon ni Manila RTC Thelma Bunyi-Medina.

Kaya nasa WPP si Mancao dahil ginamit siya nina Gloria at Mike Arroyo sa pamamagitan ng kanilang mga galamay sa DOJ na idiin si Sen. Panfilo “Ping” Lacson sa kaso ng Dacer-Corbito murders.

Continue readingAng lakas talaga ni Mancao sa DOJ

Protektado pa rin ng DOJ si Mancao

Published by Ellen on January 31, 2012

Habang ang atensyun ng madla ay nasa impeachment trial ni Chief Justice, may nangyayari sa Department of Justice.

Noong Huwebes, nang ina-nunsyo ni Justice Secretary Leila de Lima na itinalaga niya si Regional Prosecutor Nonnatus Caesar Rojas bilang officer-in-charge ng National Bureau of Investigation, kapalit ni Magtanggol Gatdula, ang pinatalsik ni Pangulong Aquino na hepe ng NBI, pumunta kaagad si dating Police Officer Cezar Mancao kay De Lima.

Sabi ng aming source, naka-confine daw sa isang kuwarto sa itaas ng NBI building si Mancao.

Si dating Police Senior Superintendent Michael Ray Aquino ay nakakulong sa NBI rin ngunit nasa ibaba naman.

Hindi na hinintay ni Mancao na arestuhin siya. Halatang tiwalang-tiwala si Mancao kay De Lima.

Continue readingProtektado pa rin ng DOJ si Mancao

May kuneksyun ba ang kaso ni Gatdula at Mancao?

Published by Ellen on January 21, 2012

Gatdula and De Lima
Nagkataon lang kaya o may kuneksyun ang pagtanggal kay Director Magtanggol Gatdula ng National Bureau of Investigation sa kanyang pwesto at ang desisyun ng Manila Regional Trial Court (Branch 18) na manatili ang dating opisyal ng pulis na si Cezar Mancao II bilang akusado sa kaso ng pagpatay sa publicist na si Salvador “Bubby” Dacer at ang kanyang driver na si Emmanuel Corbito?
Mancao accompanied by then NBI Director Nestor Mantaring
Marami sa mga reporter na nagtatrabaho sa Japanese media ang nagtataka kung bakit pinatulan ni Justice secretary Leila de Lima ang paratang ng Haponesang si Noriyo Ohara na kinidnap daw siya at kinikilan ng mga ahente ng NBI kasama si Gatdula.

Alam daw kasi ng mga opisyal ng Japanese Embassy na may kuneksyun ni Ohara sa mga hindi kanais-nais na mga grupo sa Hapon at hindi malaman kung alin sa mga sinasabi niya ay totoo. Noong taon 2009 pa raw dito sa Pilipinas ngunit noong Oktubre 29, 2011 siya hinuli ng mga ahente ng NBI sa Pangasinan sa bahay ng ‘handler’ niya dito.

Itong handler niya, kilala ang isang media man na may kuneksyun sa mga taga DOJ.

Continue readingMay kuneksyun ba ang kaso ni Gatdula at Mancao?