Habang sinusulat ko ito, mga alas tres ng hapon,may mga nagra-rally sa Makati sa harap ng Ninoy Aquino monument sa panulukan ng Ayala Avenue at Paseo de Roxas.
Sabi ng Malaya reporter, mga 5,000 raw ang mga tao. Nandoon sina Bishop Yniquez at Makati Rep. Butz Aquino. Nakita ko sa TV na maraming nawawagayway na bandila. Karamihan ay pula.
Sa rally sa Luneta noong Linggo, medyo napag-usapan na ito ng mga naii-inis sa nangyari doon na hindi man lamang sila makawagayway ng kanilang bandila o magdala ng streamers na magpapahiwatig ng kanilang saloobin laban sa administrasyong Arroyo.