Gusto kong ibahagi sa inyo itong kuwento ng aking kaibigan na si Ching Suva, dating press undersecretary at ngayon ay vice president for public affairs ng Manila Hotel at Manila Bulletin.
Noong isang biyahe ni Pangulong Ramos sa Amerika, nawala ang isang maleta ni Ching na puno ng mga damit at pinamili niyang pasalubong sa mga kamag-anak at kaibigan.
Pumunta si Ching sa simbahan para humingi ng tulong sa Panginoon na makita ang kanyang maleta. Nang nandoon siya sa simbahan, nakatabi niya ang isang ale na halos mangiyak-ngiyak na sa kanyang pagdadasal. Sabi ni Ching, siguro ang laki ng problema ng aleng ito.