Pinipilit kong intindihin si AFP Chief Hermogenes Esperon sa kanyang pikon na pananaw sa pagkapanalo ni Lt(sg) Antonio Trillanes IV sa pagka-senador.
Napanood ko sa TV noong Biyernes ng gabin ang reaksyon niya sa pinakahihintay ng bayan na proklamasyon ni Trillanes bilang senador. Hindi maitago ni Esperon ang kanyang inis.
Sa halip na makinig sa boses ng 11 milyon na Pilipino na bumoto kay Trillanes, ang mga balakid pa rin ang kanyang pinagsasabi ni Esperon. Porke’t sinasabi raw ng Articles of War ito at ito.