Ang Easter Sunday o Domingo ng Pagkabuhay ay mararating lamang kapag natapos na ang Biyernes Santo at Sabado de Gloria. ‘Yan ang magandang mensahe ng Easter Sunday: walang resurrection o pagkabuhay kung walang kamatayan.
Maganda itong mensahe ng Easter sa ating krisis pulitika sa bansa. Marami kasi ang nagtatanong kung bakit sa dami ng kasalanan ni Gloria Arroyo- pang-aagaw ng pwesto ng president noong 2001, pandaraya sa eleksyon noong 2004, garapalang pangungurakot hindi lamang siya pati na ang kanyang mga alagad, pambabastos ng Constitution, panunupil ng malayang pamamahayag at marami pa – nandiyan pa siya sa Malacañang samantalang karamihan sa mga Pilipino ay ayaw sa kanya.