Padami na padami ang mga pangalan na gustong kumandidato para presidente. Mukhang parang sirkus na itong 2010 na eleksyun.
Itong nakaraang linggo, nagdeklara si Mike Velarde ng El Shaddai at si Eddie Villanueva ng Jesus is Lord Movement ng kanilang intensyon na kumandidato para presidente. Tatlo na sila ang galing sa mga grupong religious. Nauna na kasi nagdeklara si Fr. Ed Panlilio, gubernador ng Pampanga.
Kung sabagay, demokrasya tayo at karapatan ng bawat isa ang mangarap. Sa ating Constitution, ang requirement lang naman para kumandidato para presidente ay Filipino citizen at 40 na taong gulang sa araw ng eleksyon (Mayo 10, 2010).