Hindi talaga humihinto itong mga Arroyo sa pambababoy ng batas para lang manatili sa kapangyarihan.
Dahil nawalan siya ng kaharian sa pagtakbo ng nanay niya bilang congressman ng pangalawang distrito ng Pampanga, nakahanap siya ngayon ng paraan na mananatili sa Kongreso sa pamamagitan ng partylist, na linagay sa Constitution para mabigyan ng representasyon ang mga grupo ng mga mahihirap at mahihina sa lipunan. Kasi naman hindi sila maaring makipaglaban sa mga tradisyunal na pulitiko sa eleksyun.
Nominado si Mikey bilang unang kinatawan ng Ang Galing Pinoy (AGP) na ang nirepresenta daw ay transport drivers at security guards. Kasama niya ang outgoing mayor ng Lubao na si Dennis Pineda.
Ang kapal talaga at ang kapal din ng Comelec kung aprubahan ito.