Related articles:
Hindi naman talaga ako mapamahiin (superstitious) dahil naniniwala ako na walang tatalo sa kapangyarihan ng Panginoon at lahat na nangyayari dito sa mundo ay kagustuhan ng Panginoon.
Hindi tayo tatagal dito sa mundo na mas matagal sa nakatakda sa atin ng Panginoon. Hindi rin pwedeng mas maaga. Kung ano ang nakatakda, yan ang mangyayari. Yan ang aking paniniwala.
Siguro nagkataon lang ngunit ang petsa ng pagkamatay ng aking kaibigan na si Chit Estella, trustee rin ng VERA Files, ay Biyernes a-trese (Friday the 13th).Siguro nagkataon lang dahil marami namang Friday, the 13th na walang masamang nangyayari.
Ito ang usapan naming ni Ruben Alabastro ng Philippine Daily Inquirer na hindi rin sinadya, na nasa page 13 lumabas ang balita tungkol kay Chit.
Mahilig si Chit sa horoscope. Sabi ng kanyang asawang si Roland Simbulan, tuwing umaga pumunta sila sa website ng horoscope. Nang umaga ng May0 13, kilig si Chit sa kanyang horoscope na nagsabing: “Something will happen that will not only be evolutionary but revolutionary that will change your life.”