Web Links – Page 3 – ellen tordesillas

Samahang Magdalo

Published by Ellen on February 18, 2009

gary-alejano

Sa mga nangyayari ngayon sa bansa na garapalan na ang kurakutan at kasinungalingan, marami ang nagtatanong, may natitira pa bang matino?

Maganda ang ganoong tanong kasi ibig sabihin nun, hindi ka kasama sa mga sinungaling at magnanakaw. Ibig sabihin nun umiiral pa ang itinuro sa ‘yo ng inyong mga magulang na mamuhay ng maayos, huwag manloko at hindi nakakasakit ar perwisyo sa kapwa tao.

Sa nakikita natin na kapal ng mukha ng mga magnanakaw, palagi natin naitatanong sa ating sarili, may magagawa ba tayo? Pumunta kayo sa http://www.samahangmagdalo.org/site.

Alam natin na ang Magdalo ay unang lumabas nang nanindigan ang mga 300 na sundalo, karamihan mga batang opisyal, laban sa panloloko ni Gloria Arroyo sa mamamayang Pilipino noong July 27, 2003. Pumunta sila sa dating Oakwood Hotel sa Glorietta, Makati at doon nila ipinahayag ang kanilang pag-withdraw ng suporta sa pamahalaan ni Arroyo.

Reklamo sa Meralco

Published by Ellen on February 16, 2009

FEB. 16, 2009

Galing ito kay Arman Eusebio:

Gusto ko po sanang idulog sa inyo ang isang mistulang ‘big time extortion’ na ginagawa ng ilang empleyado ng Meralco sa amin.

Nagsimula po ito noong October 2008 nang magsagawa ng inspection ang ilan nilang mga tauhan sa lugar namin. Apparently ay may nakitang ‘two-line jumper’ ang mga inspector sa isang katabing bahay namin. Kapagdaka’y pumunta sa bahay namin iyong isang inspector. Ikinagulat po ito ng Nanay ko dahil unang-una ay hindi naman niya alam ang nangyayari dun sa ibaba dahil nasa itaas po ang bahay namin. Bigla daw pong pumasok itong inspector na ito na nang tanungin ng Nanay ko kung sino siya at kung ano iyon… sinabi lang daw niya na taga-Meralco siya at inspeksyon lang daw.

Labis na ikinagulat ng Nanay ko nang bumaba siya at makita na tila kukumpiskahin ng mga inspector ang aming metro at nang kanyang tanungin kung bakit nila gagawin iyon ang naging tugon daw ng inspector ay ‘Nay, makipag-ayos na lang po kayo sa akin!’
Natural hindi ito naging maganda sa pandinig ng Nanay ko dahil pinalalabas ng inspector na may ginawa kaming mali. Nagkaron ng pagtatalo at nakarating ang usapan sa aming baranggay kung saan parehong pinakinggan ng aming punong-baranggay ang magkabilang panig.

Palitan ang liderato sa Senado

Published by Ellen on February 14, 2009

Dapat siguro palitan na ang liderato sa Senado.Mukha ngang naisahan ng Malacañang sina Senador Ping Lacson, Mar Roxas, Jamby Madrigal nang tinanggal nila si Senate President Manny Villar at ipinalit si Senador Juan Ponce Enrile.

Para kasi makuha ang suporta ng mga kaalyado ni Gloria Arroyo sa pagtanggal kay Villar, pumayag sina Lacson na ibigay ang mga mahalagang committee sa mga kaalyado ni Arroyo. At nakikisama sila sa kanila.

Akala kasi nina Lacson na dahil itong sina Enrile at Santiago ay makasarili, kapag mabaho na si Arroyo, bibitawan nila. Hindi nila naiisip na kaya ni Arroyo magbigay ng hindi kayang ibigay ng iba para sa mga katulad nina Enrile at Santiago.

Binaligtad na

Published by Ellen on February 11, 2009

Pare-pareho ang istilo nitong mga sangkot sa Alabang Boys na kontrobersiya. Kapag naipit binabaligtad ang totoo.

Di ba si John Resado ang prosecutor na nagkaroon ng P1.6 milyon sa araw na pinadismis niya ang kaso laban kina Richard Brodett, Joseph Tecson at Jorge Joseph ay gumawa ng kwento na sinubukan daw siyang suhulan ni Atty. Alvaro Lazaro ng Philippine Drug Enforcement Agency?

Ngayon ito namang sina Brodett sinabi sa independent (kuno) fact-finding committee na nagi-imbistiga sa napabalitang suhulan ng mga Alabang Boys ng mga prosecutors na hindi raw buy-bust operation ang nangyari noong Sptiembre 2008 nag nahuli sila.

Kabit-kabit na sabit

Published by Ellen on February 9, 2009

Sa hearing kahapon tungkol sa pagbagsak ng mga Legacy banks na pag-aari ni Celso de los Angeles na malapit kay Vice President Noli de Castro at House Speaker Prospero Nograles, inalam ni Rep. Rufus Rodriguez kung sino ang mga judges na nag-isyu ng temporary restraining order sa Bangko Sentral ng Pilipinas sa kanilang imbestigasyon.

Pinangalanan si Lina Valenzuela ng Manila Regional Trial Court. Ganun din ang tatlong Court of Appeals justices na nagpatibay ng desisyon ni Valenzuela. Sila ay sina Justice Apolinario Bruselas, Jr., Bienvenido Reyes at Mariflor Punzalan Castillo.

Dahil sa kanilang TRO sa imbestigasyon ng BSP na ipinalabas noong Mayo 2008 at napabale wala lamang nang labas rin ng TRO sa kanilang TRO ang Supreme Court noong Nobiembre 2008, nakaloko pa ang mga bangko sa ilalim ng Legacy ng libo-libong depositors at nakakuha ng halagang P1.3 bilyon.

Halatang-halata naman si Miriam

Published by Ellen on February 7, 2009

Related reports from Inquirer:

Update, Feb. 9,2009: Mike need not show up – Miriam

Senate won’t summon Mike Arroyo

Sa asal nina Senate President Juan Ponce Enrile at Sen. Miriam Santiago sa report ng World Bank tungkol sa kurakutan sa public works, napa-isip ako kung nakakabuti nga ba sa taumbayan ang pagtanggal kay Sen. Manny Villar bilang senate president na siyang nagbigay daan para ang mga senador na kaalyado ni Gloria Arroyo ngayon ang may kontrol ng pagpatakbo ng Senado.

Katulad nitong si Santiago, chairperson ng committee on economics na siyang nag-iimbistiga ng kurakutan sa DPWH base sa report ng World Bank na nag blacklist ng ilang construction company kabilang na ang E.C. Luna Corp, China Road and Bridge Corp ; China State Construction Corp, China Wu Yi Corp ; China Geo-Engineering Corp, Cavite Ideal International Construction and Development Corp. at CM Pancho Construction Inc. Halatang-halata naman na gustong protektahan ni Santiago ang mag-asawang Arroyo.

Kunwari nanggalaiti siya kina Public Works Secretary Hermogenes Ebdane at kay Eduardo de Luna, ang may-ari ng isang construction company na blacklisted ng World Bank. Ngunit nang binasa ni Senador Ping Lacson kay de Luna ang mga miting niya kay Mike Arroyo, hindi siya masyadong intresado. Half-day lang ang ginawa niyang hearing. Bitin tuloy.

Protektado ni Gloria si Mike

Published by Ellen on February 4, 2009

Bistadong-bistado na si Mike Arroyo, ang asawa ni Gloria Arroyo, sa kanyang ginawang pangungumisyon sa mga proyekto ng gobyerno.

Sa imbestigasyon na isinagawa ng Integrity Vice Presidency ng World Bank, lumabas na si Mike Arroyo talaga ang promotor ng kurakutan sa Department of Public Works and Highways. Kaya lalong tumibay ang mga isinawalat nina Jun Lozada at Joey de Venecia tungkol sa papel ni Mike Arroyo sa mga tongpats sa NBN/ZTE deal.

Itong World Bank report kasi ay tungkol lamang sa mga proyekto na kanilang ginastusan. Nagpa-utang sila ng pera at napag-alaman nga nila na kornered ng mga kontraktor na alaga ni Mike Arroyo ang mga kontrata. Siyempre malaki ang kumisyon niya kapalit ng pagkuha mo ng kontrata.

Huwag paki-alaman ang pera ng SSS

Published by Ellen on February 2, 2009

Sabi ni Executive Secretary Eduardo Ermita welcome na welcome daw ang sino na mag- file ng class suit sa kanila tungkol sa kanilang plano na gagamitin ang P12.5 bilyon na pera ng Social Security System sa P100 bilyon na economic stimulus ng pamahalaan ni Gloria Arroyo.

Ang tapang talaga ng apog nitong mga bata ni Gloria Arroyo. Paano kasi mana sa amo.

Marami kasi ang uma-alma, kasama na si Sen. Aquilino Pimentel, sa plano ni Arroyo na gamitin ang pera ng SSS para pangsalba sa problema ni Arroyo sa ekonomiya dahil and pera ng SSS ay hindi pera ng gobierno. Private funds yan. Pera ng nagta-trabaho sa pribadong kumpanya.

Pagpupugay sa OFW

Published by Ellen on January 31, 2009

Itong pagpupugay sa mga OFW ay pinadala sa akin ni Magno Rivera na ngayon ay nasa Saudi. Sabi niya pinadala raw sa kanya ni Frankie Villaflor.

Hindi mayaman ang OFW – Akala ng marami sa ating kapag OFW o nasa abroad ay mayaman na. Hindi totoo yun. A regular OFW might earn from P50K-P300K per month depende sa lokasyon. Yung mga taga-Saudi or US siguro ay mas malaki ang sweldo, ngunit para sabihin na mayaman sila ay maling-mali.

Mahirap maging OFW – Kailangan magtipid hangga’t kaya. Oo, masarap ang pagkain sa abroad pero madalas na paksiw o adobo at itlog lang tinitira para makaipon. Pagdating ng kinsenas o katapusan, ang unang tinitingnan eh ang conversion ng peso sa dollar o riyal o euro. Mas okay na magtiis sa konti kaysa gutumin ang pamilya.

Ang tindi ng mga bata ni Mike Arroyo

Published by Ellen on January 28, 2009

Sagot ni Public Works Secretary Hermogenes Ebdane kay Sen. Miriam Santiago: “Hindi ikaw ang magpapa-alis sa akin. Ang presidente ko.”

Sinabi kasi ni Miriam na dapat i-fire ni Arroyo sina Ebdane, Finance Secretary Gary Teves at Ombudsman Merceditas Gutierrez dahil pabaya sila sa anomalya sa mga kontruksyun ng mga proyekto sa ginagastusan ng World Bank. Malaking kahihiyan ang nangyari na kailangan pa World Bank ang mga blacklist ng E.C. De Luna Corp., Cavite Ideal International Construction at Development Corp., and C.M. Pancho Construction Inc.

Maliban sa walang kasong naisampa sa tatlong blacklisted na kumpanya, patuloy pa silang sumasama sa ibang bidding.

Category: Web Links