Web Links – Page 17 – ellen tordesillas

Ang $41 million na advance

Published by Ellen on February 25, 2008

Akala talaga ni Gloria Arroyo, tanga tayo.

Inamin niya noong Sabado sa kanyang interview sa DZRH na alam raw niyang may iregularidad ang $349 million NBN/ZTE deal na kanyang sinaksihan ang pirmahan sa Boao, China noong April 21, 2007 ngunit itinuloy raw niya dahil foreign government ang kasama sa deal.
Ngunit sabi niya, kinansela naman nya ang kontrata kalaunan.

Akala ni Arroyo, papatawarin siya ang sambayanang Pilipino dahil inamin niyang may irgularidad naman talaga ang kontrata na ilang buwan ring sinasabi ng mga opisyal niya na maayos at malinis. Akala niya katulad ni Rodolfo Noel “Jun” Lozada na lalong hinangaan siya ng sinabi niya na marami siyang nagawa na nakakawala ng respeto sa sarili ngunit gusto na niya ngayon bumawi at –isalbahin ang kanyang kaluluwa.

Makiramdam. Maghanda. Kumilos

Published by Ellen on February 23, 2008

Lahat na nakaka-usap ko na nakikiramdam sa nangyayari ngayon sa sitwasyon pampulitika sa bansa ay nagsasabi na magbantay at maghanda ng husto sa susunod na linggo. “Mula February 25 hanggang March 31,” sabi ng isang source.

Padami-dami na ang mga sector na lumalantad at nagpapahayag ng kanilang galit sa ginagawa ni Gloria Arroyo at ng kanyang mga alipores na pagyurak ng demokrasya sa Pilipinas. Ang mga dating walang paki-alam katulad ng mga negosyante sa Makati, mga pare at madre at mga kabataan ay sumasali na.

Ako ay pagod na pagod na sa kaka-martsa para sa katotohanan at hustisya na niyurakan ni Gloria Arroyo at may mga panahon na sabi ko tanggap ko na pinapabayaan na ng Panginoon ang Pilipinas. Para bang hinahayaan na tayong malugmok sa katiwalian sa kung anong rason na hindi ko ma-intindihan.

Green Cross at Gold Cross

Published by Ellen on February 20, 2008

Sa gitna ng pagsubok, hindi nakakalimutan ng Pilipino ang tumawa.

Noong Martes, ang court martial hearing ng 28 na opisyal na sangkot raw sa withdrawal of support kay Gloria Arroyo noong February 2006 sa pangunguna ni Maj. Gen. Renato Miranda at Brig. Gen. Danny Lim ay medyo tensyunado dahil alam ng lahat na may order si AFP Chief Hermogenes Esperon na i-arraign o isakdal na sila ng pormal ngayong linggo.

Magdalawang taon na kasi at kung hindi pa sila maisakdal sa Martes, Feb. 26, i-dismis na ang isang akusasyon, ang “Conduct Unbecoming of an Officer and a Gentleman” na ang parusa ay dismissal sa serbisyo.

Palpak ng mga tauhan ni Gloria

Published by Ellen on February 18, 2008

Kung ano-ano na ang ginagawa ng Malacañang para matakpan ang baho ng NBN/ZTE na unang ibinulgar ni Joey de Venecia, anak ni House Speaker Jose de Venecia ngunit patuloy pa rin itong umaalingasaw.

Sinasabi ng mga may simpatiya kay Arroyo na naniniwala pa rin sila na matatapos ni Arroyo ang kanyang termino hanggang 2010 at itong kontrobersiya. Hindi nila sinasabi na hindi totoo ang mga ibinulgar na kurakutan. Ang mahalga sa kanila ay makaabot si Arroyo ng 2010.

Noong Enero, nang magsimula ang bagong taon, kahit naniniwala ako na hindi dapat tumigil kahit isang minuto pa si Arroyo sa pwesto na kanyang ninakaw, parang tanggap ko na malabong mapaalis siya sa Malacañang. Hindi lang hanggang 2010. Kahit lampas pa.

Simula ng katapusan ni Arroyo

Published by Ellen on February 16, 2008

Natuwa ako na naiyak noong Biyernes ng makita kong may nagtatapon ng confetti o mga pira-pirasong papel mula sa isang gusali sa Ayala Avenue habang nagra-rally laban kay Gloria Arroyo.

Sabi ko, sana sa susunod na mga rally, mas marami ang maghulog ng confetti bilang pahayag ng kanilang protesta sa kasinungalingan ni Arroyo at kurakutan sa kanyang pamahalaan.

Marami sa mga nag-rally noong Biyernes ay mga kabataan na noong nagma-martsa ang taumbayan laban kay Marcos noong 1982 hanggang 1986 ay hindi pa siguro napapa-nganak o kaya mga sanggol pa. Tuwing Biyernes, umuulan ng yellow confetti ang Ayala, nauubos ang yellow pages ng PLDT directory sa kakagupit para gawing confetti.

Sama-samang pagkilos

Published by Ellen on February 13, 2008

Update: At the court martial hearing yesterday the other officers expressed support for Lozada. Brig. Gen. Renato Miranda said:”The reason we are incarcerated is because we fought for the truth, the same thing that Lozada is fighting for. Without truth, we are nothing.”

Col. Ariel Querubin: We admire him (Lozada). Pare-pareho kaming pinaglalaban- ang katotohanan.

To Neri, Querubin said, “Magpaka-Lozada ka.”

Mas gusto ni Neri maging bilanggo ng kasinungalingan

Published by Ellen on February 11, 2008

Noong Oktubre 2006, pagkatapos lumabas si Romy Neri, dating director-general ng NEDA (National Economic Development Authority) kung saan ibinulgar niya ang offer sa kanya ni dating Comelec Chairman Benjamin Abalos ng P200 milyon para lang aprubahan ang ma-anomalyang NBN/ZTE deal ngunit pinrotektahan niya si Gloria Arroyo, sumulat si Rodolfo Noel “Jun” Lozada ng kanyang saloobin tungkol sa isyu.

Alam na natin kung sino si Jun Lozada. Matalik na kaibigan ni Neri na kinuha niyang consultant sa mga proyekto sa NEDA. Si Lozada ay presidente ng Philippine Forest Corporation ngunit nag-resign siya noong isang linggo nang magdesisyon siya na magsabi ng totoo tungkol sa nalalaman niya sa kurakutan sa $349 milyon na kontrata ng NBN/ZTE.

Truth will set us free

Published by Ellen on February 6, 2008

Ang nangyari kay Rodolfo “Jun” Noel Lozada, presidente ng Philippine Forest Corporation, na kinidnap ng mga tauhan ni Gloria Arroyo noong Martes nang siya ay dumating galing London ay dapat maging leksyon sa marami pang may alam tungkol sa mga krimen na sangkot ang pamilyang Arroyo.

Habang tinatago nyo ang inyong alam, may motibo silang takutin, pahirapan at saktan kayo at ang inyong mga mahal sa buhay. Hindi kayo magiging safe kung makipag-tulungan kayo sa kanila.

Ang inyong kaligtasan ay isawalat ang katotohan. Alalahanin nyo ang kasabihan: “Truth will set us free.”

Sige, labasan ng baho

Published by Ellen on February 4, 2008

Update: JDV ousted; Nograles elected speaker

As parting shot, JDV cites litany of graft, abuse

Sinimulan ng nga mga kaalyado ng mga Arroyo ang paglista ng mga anomalya na sangkot si House Speaker Jose de Venecia bilang rason raw kung bakit siya patalsikin.

Inungkat ang PEA-Amari deal, Landoil, Northrail at iba pa. Sabi nila kaya raw mababa ang tingin ng taumbayan sa House of Representatives dahil sa maga anomalya raw na kinsasangkutan ni JDV.

Mabuti yan at sinimulan ng mga tao ni Arroyo ang maglabas ng baho.

Pare-parehong mga buwaya

Published by Ellen on February 2, 2008

Hopeless talaga itong ating Kongreso. Ang kakapal ng mukha. Pare-pareho bata at matanda.

Lalo pa itong mga anak ni Gloria Arroyo na si Mikey, representative ng Pampanga, at si Dato, representative ng Camarines Sur. Kasama nila ang kanilang tiyo na si Ignacio “Iggy” Arroyo, representative ng Negros Occidental.

Bakit ba gusto ipatanggal ng mag-anak na Arroyo si Jose de Venecia bilang speaker. Hindi dahil sa prinsipyo. Kungdi dahil sa hindi niya nirendahan ang anak na si Joey de Venecia sa pagbulgar ng papel ng tatay niyang si Mike Arroyo sa kurakutan sa NBN/ZTE deal kung saan ang $129 million (dolyar yan ha) na deal ay naging $329 million.

Category: Web Links