Web Links – Page 12 – ellen tordesillas

Dagok sa malayang pamamahayag

Published by Ellen on June 28, 2008

Patay ang demokrasya sa desisyon ni Judge Reynaldo Laigo ng Makati Regional Trial Court branch 56 sa class suit na isinampa ng mga mamahayag tungkol sa nangyari sa Manila Peninsula noong Nov. 29, 2007.

Kinampihan ni Laigo ang ginawa ng Philippine National Police sa pangunguna ni Police Director Geary Barias ng National Capital region na pag-aresto at pagposas sa mga reporter pagkatapos ng insidente kung saan sina Sen. Antonio Trillanes IV, Brig. Gen. Danilo Lim at mga Magdalo officers ay nag-walkout sa hearing sa Makati RTC at nagpunta sa Manila Pen kung saan hinikayat nila ang taumbayan na talikuran si Gloria Arroyo.

Natablan na rin ang iba

Published by Ellen on June 25, 2008

Ayon sa balita, uuwi na raw ngayong araw si Agriculture Secretary Arthur Yap at si Defense Secretary Gilbert Teodoro naman ay susunod bukas.

Inigsi-an ni Yap at Teodoro ang kanilang pagsama kay Arroyo dahil sa batikos sa kay Arroyo at ng mga kasama niya sa kanilang pagliliwaliw sa Amerika habang dumaranas ng paghihirap ang maraming Filipino na nasalanta ng bagyong “Frank.”

Ngunit ang kapal talaga ng magpamilyang Arroyo at ng mga kongresista.

Perfect timing si Arroyo

Published by Ellen on June 23, 2008

Ang galing ng timing ni Gloria Arroyo.

Kaya ayan, habang nakikipag-bolahan siya doon sa Amerika kay George Bush at kung sino pang grupong mabobola niya, ang headlines sa buong mundo ay ang paglubog ng MV Princess of Stars na sobra 800 katao ang sakay.

Kasinungalingan ang no-ransom

Published by Ellen on June 21, 2008

Update: Mayor Isnaji’s new lawyer confirms additional P15 million ransom. Also, P3 million of the first P5 million came from ABS-CBN.

Mabuti lang karamihan sa publiko hindi naniniwala sa pinagsasabi ng Malacañang kaya sa mga lumalabas na balita tungkol sa P20 milyon na ransom kina Ces Drilon, wala masyadong nagulat.

Ang narinig kong sinasabi ng marami: “Sabi ko na nga ba e.”

Naintindihan ko kung bakit kailangan magkaroon ng “No ransom policy” ang pamahalaan. Kapag normal kasi ang pagbigay ng ransom, lalo magiging malala ang kidnapping. Negosyo na nga yun hindi lamang ng Abu Sayyaf kungdi dito rin sa kalakhang Maynila.

Kubeta shortage

Published by Ellen on June 18, 2008

Sa Silangan Elementary School sa Taguig Rizal, isang kubeta lamang sa 2,031 na estudyante.Buhos-buhos pa. At kadalasan, wala pang tubig.

Dahil sa ganitong sitwasyon, maraming estudyante ang napa-ihi na sa kanilang pants. Ang iba kung saan na lang. Kaya daw ang baho-baho na ng kubeta at ng paaralan.

Mga bunga ng kahirapan

Published by Ellen on June 16, 2008

Update: In the 6:30 evening news, PNP Chief Avelino Razon said Ces Drilon, Jimmy Encarnacion and Octavio Dinampo will be released “in a few hours to one day”.

Update:The kidnappers of ABS-CBN reporter Ces Drilon and her cameraman Jimmy Encarnacion have given an indefinite extension on talks for their captives’ release, the son of the crisis negotiator said.

May napansin ako sa sinabi ni Mayor Alvarez Isnaji ng Indanan, Sulu,
ang negotiator sa pagpalaya kina Ces Drilon ng ABS-CBN, ang kanyang cameraman na si Jimmy Encarnacion at ang professor sa Mnidnao State University na si Octavio Dinampo.

Sinabi ni Isnaji na ang kidnappers ni Ces ay mga batang Tusog, mga 15 hanggang 20 taong gulang. “Mga anak at apo ng kasamahan ko sa MNLF, sabi ni Isnaji na dating kumander ng Moro National Liberation Front na nakipaggiyera noong panahon ni Marcos para magkaroon ng hiwalay na bansang “Bangsamoro” para sa mga Filipino-Muslim.

Sadista

Published by Ellen on June 14, 2008

May pagka-sadista yata itong si Gloria Arroyo.

Ang sadista ay isang taong masaya kapag nahihirapan ang ibang tao. Ano kaya ang pakiramdam niya sa nakita niyang kahaba-haba ng pila ng mga tao na kumukubra ng P500 na binabalik sa kanila sa kanyang “Pantawid kuryente: katas ng VAT program”

Pinagyayabang niya ang pagbabalik niya ng P500 sa mga pamilya na ang kunsumo sa kuryente ay hindi lumalampas sa 100 kilowatt hours (siguro mga P700 ang bill). Minsanan lang ito.Aaabot sa dalawang bilyon ito kasi mga apat na milyon ang mga pamilya na ganoon kababa ang kuryente. Ang tawag nga sa kanila ay “lifeline consumers.”

Tiwala kay Yano

Published by Ellen on June 11, 2008

Marami ang nadismaya sa pag-plead guilty ng 11 na Magdalo officers noong Martes sa paglabag ng Article of War no. 96, Conduct Unbecoming of an Officer and Gentleman.

Dahil wala silang media access, hindi nila masyado mapaliwanag ang kanilang desisyon. ngunit sa pagkakilala ko sa kanila, hindi nila ibebenta and kanilang paninindigan at hindi ko naman sila narinig na nag-affirm ng loyalty kay Gloria Arroyo.

Sa institusyon ng military, oo. Sa bayan oo. Hindi naman pag-aari ni Arroyo ang institusyon at ang bayan.

Mga astig na senador

Published by Ellen on June 9, 2008

Mayroon tayong kasabihan na “Be careful with what you wish for because it might be granted.” Mag-ingat sa iyong pinapangarap, baka magkatotoo.

Naisip ko ito dahil sa pagwawala ng mga astig na senador na sina Juan Ponce-Enrile at Miriam Santiago sa Joint Foreign Chambers of Commerce of the Philippines na kanilang inimbitahan sa Senado noong isang linggo.

Ang JPC ay organisasyon ng mga banyagang kumpanya sa Pilipinas. Kasama na doon ang mga kumpanya mula sa United States, Australia, New Zealand, Canada, Europe, Japan at Korea.Hubert Ito ang pinaghirapan ng pamahalaan na hikayatin na magnegosyo dito sa Pilipinas. Alam naman natin rin na kaya sila nandito dahil kumikita naman sila. Totoo naman na hindi yan sila magtityaga dito kung hindi naman sila kumikita.

Mga numerong tumbok sa laman ng tiyan

Published by Ellen on June 7, 2008

Ngayon lumalabas ang mga statistics na nakakabahala. Inilabas ng National Statistics Office ang kanilang survey sa araw-araw na pamumuhay at lumabas na noong buwan ng Mayo ang inflation rate ay 9.6 percent. Ito na ang pinakamataas sa mga nakaraang sampung taon.

Ang inflation ay ang pagtaas ng mga bilihin at ang pagbaba ng halaga ng pera.

Ngayon ang statistics ng NSO ay malapit sa laman ng tiyan ng taumbayan hindi katulad noon na panay magandang statistics ang pinapalabas katulad ng 7 percent na growth rate. Kaya tuloy pinaglalandakan ni Gloria Arroyo sa kanyang mga placards sa buong bansa “Ramdam na ramdam ang kaunlaran.”

Ulol. Ramdam na ramdam ang kahirapan.

Category: Web Links