Abante – Page 28 – ellen tordesillas

Ma-Honduras kaya tayo?

Published by Ellen on June 29, 2009

Kung nabasa ni Gloria Arroyo ang nangyari sa Honduras kahapon, dapat manginig siya sa takot. Dapat rin simulan na niya ang pag-empake at kung malasin siya baka hindi na siya umabot sa Hunyo 2010.

Sa balita kahapon na ang presidente ng Honduras na si Manuel Zelaya ay pinatalsik sa isang military coup. Dinala daw ng eroplano ng military sa bayan ng Costa Rica si Zelaya.

Matatapos na raw ang termino ni Zelaya at ayon sa kanilang Constitution, hindi na siya pwedeng tumakbo. Pinipilit niyang palitan ang Constitution at marami ang pumapalag kasama na ang military.

Sana

Published by Ellen on June 27, 2009

Sa Martes, magkakaroon ng martsang protesta kontra Con-Ass sa Manila.

Sa halip na matagalang rally sa isang lugar, martsa naman ang gagawin ng mga lumalaban sa balak ni Arroyo na pagpalawig ng kanyang panatili sa kapangyarihan sa pamamagitan ng illegal na Constituent Assembly.

Ang martsa ay manggagaling sa dalawang parte ng Metro Manila alas-kuatro ng hapon. Mayroong magsisimula sa Quezon City welcome Rotonda and meron din na manggagaling sa Vito Cruz, Manila. Magkikita-kita sa Liwasang Bonifacio mga alas-sais ng hapon. Magkakaroon ng maigsing konsyerto ng mga makabayang awitin.

Kahit pumalya ang eleksyon, hindi pa rin pwede si GMA

Published by Ellen on June 24, 2009

Kahit anong emrgency na sitwasyon ang mangyari, bumaha man o kung ano man, hindi pwedeng hindi bababa si Gloria Arroyo sa Malacañang paglampas ng 12 ng hapon ng Hunyo 30, 2010, sabi ng eksperto sa Constitution na si Edwin Lacierda.

“Come hell or high water, Gloria arroyo cannot be caretaker president when her term ends noon of June 30, 2010,” sabi ni Lacierda sa programang “Strictly Politics” ni Pia Hontiveros sa ANC kung saan pinag-usapan ang kinatatakutan na failure of elections sa May 10, 2010.

Dati kasi pinapalutang ni National Security Adviser Norberto Gonzales ang ideya na “caretaker” president daw si Arroyo hanggang magkaroon ng bagong president? Hindi na nakuntento sa siyam na taon sa Malacañang, ang pinakamahaba na pag-upo ng isang presidente na hindi naman binoto ng taumbayan (maliban kay Ferdinand Marcos).

Walang paki-alam si Arroyo

Published by Ellen on June 22, 2009

Kung walang masama na binabalak si Gloria Arroyo, madali naman niyang sabihin na pagdating ng Hunyo 30,2010 bababa na siya sa Malacañang dahil yun naman talaga ang nakasaad sa Constitution.

Sa totoo lang, sa bawat minuto na nasa Malacañang si Arroyo ay paglapastangan sa batas at Constitution dahil hindi naman talaga siya binoto, kailan man, ng sambayanang Pilipino. Inagaw niya ang pagka-presidente noong Enero 2001 at nandaya siya noong May 20004. ‘Yan ang sinasabi ni Susan Roces na, “You stole the presidency not once but twice.”

Kaya lang sa sobrang kabaitan ng Pilipino, parang nagiging doormat na tayo. Tinatapakan na hindi pa rin uma-alma. Ayaw kasi nating ng gulo. Kahit harap-harapan na tayo niloloko, okay lang basta walang gulo. Hindi natin naiisip ang mas malaking gulong idinudulot ng isang ilegal na administrasyon.

Biyaheng Colombia ni Gloria Arroyo

Published by Ellen on June 20, 2009

Sa mga press release ng Malacañang tungkol sa biyahe ni Gloria Arroyo sa Japan (Hunyo 17 hanggang 20) at Brazil (Hunyo 22 hanggang 25), walang sinasabi tungkol sa Colombia.

Napag-alaman ng VERA Files noong Biyernes na pag-alis ni Arroyo sa Tokyo ng Sabado, siya ay pupunta sa Cartagena, Colombia. Buong araw ngayon ay sa Colombia siya at pupunta siya sa Brazil bukas.

Napag-alaman din namin na ang host niya sa Colombia ay ang negosyanteng si Jaime Augusto Zobel at ang kanyang asawang si Lizzie. Pangalawang beses na raw ito na bumisita si Arroyo sa Colombia at sina Zobel at tumira siya sa bahay ng mga Zobel doon. Ang una ay noong November 2008 galing siya sa Peru kung saan dumalo siya sa Asia Pacific Economic Cooperation summit.

Mag-ingat sa tuso

Published by Ellen on June 17, 2009

Kayo ba ay naniniwala na talagang tatakbo si Gloria Arroyo bilang kongresista ng Pampanga sa 2010 eleksyon?

Malakas ang kutob ko na isa na namang pakulo niya ito at meron talaga siyang ibang maitim na balak. Suspetsa ko diversionary tactic lang ito.

Nakakapagtaka kasi sila mismo ang nagpapalutang. Si Arroyo mismo. Sinabi nya sa kanyang talumpati, “anong malay nyo, baka tumakbo akong kongresista sa Pampanga.” Ito ay sinundan ng mga pahayag ng kanyang deputy spokesperson na si Lorelei Fajardo na wala namang batas na nagbabawal na tumakbong kongresista.

Desperada

Published by Ellen on June 15, 2009

Palagi natin tinatanong kung bakit sa dami-daming kasalanan ni Gloria Arroyo sa taumbayan – pagnanakaw ng boto, pagnanakaw ng kaban ng bayan, pagnanakaw ng kinabukasan,pagnanakaw ng pag-asa – bakit hindi siya napaparusahan?

Nakikita natin na patuloy siyang sa pwesto samantalang sa buong mundo, ang mga lider na kalingkingan ang kasalanan ikumpara sa ginawa at patuloy pang ginagawa na krimen sa bayan ay natanggal na.

Palagi nating tinatanong kung ano ba ang malaking kasalanan ng sambayanang Pilipino bakit pinaparusahan tayo sa pamagitan ni Arroyo sa Malacañang?

Walang perfect crime

Published by Ellen on June 13, 2009

Ang nangyari kay Ruby Rose Barrameda Jimenez ay isang patunay na walang “perfect crime”.

Kahit gaano kagaling ang pagka-plano ng isang krimen, lalabas na lalabas ang katotohanan. Sa kaso ni Ruby Rose, dalawang taon bago lumabas ang katotohanan.

Si Ruby Rose, 27 taong gulang, ay biglang nawala noong March 14, 2007. Nang nawala siya, may kaso siyang isinampa sa kanyang asawa para makuha ang kanyang mga anak.

Huwag sumunod sa ilegal na order

Published by Ellen on June 10, 2009

Sa Strictly Politics na hosted ni Pia Hontiveros sa ANC, may dalawang panawagan si dating Defense Secretary Avelino “Nonong” Cruz.

Ang unang panawagan niya ay sa taumbayan na tutulan ang Con-Ass na sinusulong ni Gloria Arroyo at ng kanyang mga kampon. Sabi niya kailangan mapayapa. Huwag bigyan si Arroyo ng rason na magdeklara ng state of emergency.

Ang state of emergency kasi ay parang martial law na rin yun. Mawawala na ang marami nating kalayaan at dictatorship na ang kalalabasan natin. Si Arroyo na ang batas. Kapag sinabi niyang hulihin mo itong isang tao dahil hindi ko gusto ang kanyang pagmumukha, huhulihin yan at itapon sa kung saan nya gusto.

Papayag ba tayo?

Published by Ellen on June 8, 2009

Bukas, magkita-kita tayo sa Ayala ng ika-lima ng hapon.

Ipakita natin ang ating pagtutol sa panloloko na ginagawa ni Gloria Arroyo sa pamamagitan ng Con-Ass na kanyang isinusulong pra siya manatili sa kapangyarihan habambuhay.

Sabi ni Rep. Mauricio Domogan, isa sa may-akda ng nakakadiri na House Resolution 1109, na kahit mag-ngangawa ang mga tao sa kalsada, wala silang paki-alam. Itutuloy nila ang kanilang ilegal na gawain.

Category: Abante