Abante – Page 25 – ellen tordesillas

Nauubusan na ng gimik

Published by Ellen on September 26, 2009

Officials with Arroyo include Executive Secretary Eduardo Ermita (to Arroyo's right),Labor Secretary Marianito Roque behind Ermita), Foreign Undersecretaty Esteban Conejos (in barong,third guy first row) — Officials with Arroyo include Executive Secretary Eduardo Ermita (to Arroyo's right),Labor Secretary Marianito Roque behind Ermita), Foreign Undersecretaty Esteban Conejos (in barong . first row)

Nakita nyo ba ang litrato ni Gloria Arroyo kasama ang mga Overseas Filipino Workers na nag-eskapo sa kanilang mga malulupit na among Arabo nang siya ay dumating mula Saudi Arabia noong Huwebes?

Hindi ko alam kung ako ay maawa o maiinis.

Binigyan, siguro ng mga Labor officials, ang mga OFW ng miniature flag at kanila yun winawagayway na para bang Olympic team na na nanalo sa kompetisyun sa ibang bansa. Ano namang medalya ang kanilang dala? Luha sa kanilang malupit na karanasan?

Hilaw ang tawa ni Arroyo. Paano nang ininterbyu ng mga reporter ang mga OFW, panay pasakit ang kuwento.

Gusto ng Malacañang na palakpakan si Arroyo sa pagsagip ng mga kawawang OFW sa trahedya na kanilang napasukan.

Pwede ba, naibenta na ang ganyang gimik. Ginawa na yan ni Sen. Manny Villar at dating Pangulong Estrada.

Hindi pwedeng uubra kay Arroyo ang ganyang gimik dahil siya ang naka-upong pangulo (kahit ninakaw lang niya ang pwestong yun). Di ba programa niya ang magpadala ng mga Pilipino na sa ibang bansa bilang katulong? Mismo ang pamahalaan, ang TESDA, ang nagbibigay ng training para magiging supermaids. Kaya, ayan ang inabot ng marami nating kababaihan na OFW.

Hindi totoo ang P25 milyon: Boy Abunda

Published by Ellen on September 23, 2009

May natanggap akong tsismis noong isang araw na binabawi raw ng kampo ni Sen. Manny Villar ang P25 milyon na binayad kay Boy Abunda sa paglabas niya sa political ad kung saan ini-interview niya si Villar tungkol sa kayang pag-asenso sa pamamagitan ng sipag at tiyaga.

Si Sen. Noynoy Aquino na kasi ngayon ang tinutulungan ni Boy na matalik na kaibigan ni Kris Aquino.

Tinanong ko si Boy kung tutuo ang tsismis at natawa lang siya. Hindi totoo sabi niya.

“Nakakahiya naman kina Sen. Villar,” sabi ni Boy.

Iba ang “Partido Magdalo” sa “Samahang Magdalo”

Published by Ellen on September 21, 2009

Noong Martes, nagpuntahan ang nga defense reporters, ang mga nagku-cover sa mga pangyayari sa military, sa bahay ni Sen. Manny Villar sa Shaw Boulevard dahil sa press release ng Nacionalista Party na ang Partido Magdalo ay sasama sa kanila para suportahan ang kandidatura ni Villar para presidente.

Akala nila ay yung mga Magdalo na mga batang opisyal ng military na nanindigan laban sa corruption sa administrasyong Arroyo noong Hulyo 2003 sa Oakwood Hotel sa Makati. Ang isa doon ay si Sen. Antonio Trillanes IV na hanggang ngayon ay nakakulong.

Nagtaka sila na pagdating nila doon, wala naman silang nakita na mga rebeldeng sundalo. Ang nandun ay mga taga-Cavite na mga pulitiko sa pangunguna ni Rep. Boying Remulla.

Para saan talaga ang emergency powers?

Published by Ellen on September 19, 2009

Nakakaduda itong rekomendasyun ni Energy Secretary Angelo Reyes na bigyan ng emergency power si Gloria Arroyo para matugunan ang problema ng pagkukulang ng elektrisidad na mangyayari daw sa panahon ng eleksyun sa 2010.

Sa ilalim daw ng Electric Power Industry Reform Act (EPIRA) maari daw mabigyan ng Kongreso si Arroyo ng “emergency power”.

Naku po. Kung sa ngayon lang na wala siyang emergency power, kung ano nang katarantaduhan ang pinaggagawa sa bayan at pinagtatapak-tapakan na ang batas, ano pa kaya kung dadagdagan pa ang kapangyarihan niya?

Bayani mathematics

Published by Ellen on September 16, 2009

Opisyal na: si Defense Secretary Gilbert Teodoro ang kandidato ng Lakas-Kampi-CMD, ang partido ng administrasyon ni Gloria Arroyo.

Iisa lang ang nagpresinta na gustong magkandidato na bise president- si Interior Secretary Ronaldo Puno. Kaya Teodoro-Puno ang magiging tiket ng administrasyon.

Sa paghirang ng kandidatura ni Teodoro para president sa 2010 na eleksyon, malabo na si Bise Presidente Noli de Castro na tatakbo. Baka bumalik na lang siguro siya sa pagka-brodkaster.

Ingat sa tsismis

Published by Ellen on September 14, 2009

Ngayong palapit na 2010 eleksyun, dumadami ang mga panggulong mga balita.

Kawawa nga itong si Senator Chiz Escudero. Itong mga nakaraang araw, siya ang pinagdidiskitahan ng ilang grupo na mag-withdraw sa 2010 presidential contest.

Noong Linggo, maaga kong kinalampag ang kanyang political consultant na si Malou Tiquia dahil sa text na nakuha ko tungkol sa SWS survey na run-away si Sen. Noynoy Aquino sa survey sa Luzon.

Malaki ang nakain ni Noynoy sa rating ng ibang mga kandidato katulad nina Sen.Manny Villar, Estrada at Escudero. Pati narin nga yung kay Noli de Castro.

Ang papel ni Kris sa pulitika ni Noynoy

Published by Ellen on September 12, 2009

Naabutan ko sa TV noong Huwebes ang pasasalamat ni Kris Aquino kay Sharon Cuneta tungkol daw sa suporta na ibibigay nila ng kanyang asawang si Sen. Francis Pangilinan sa kandidatura ng kanyang kapatid na si Sen. Noynoy Aquino sa pagka-presidente.

Bago ko nakita ang newscast na yun, may nag-text sa akin na reporter, “Sablay kaagad si Noynoy. Biro mo naman, kinuha si Kiko na spokesman.”

Ang reaksyun ko naman, “Hindi yata nagka-ayos sina Noynoy at Mar Roxas.” Sabi nga ng isang reporter din, “Doble sampal naman itong ginawa ni Noynoy kay Mar. Alam naman niya may isyu sina Mar at Kiko.”

Painit na ang election fever

Published by Ellen on September 9, 2009

Mukhang tuloy na tuloy na ang eleksyon sa 2010. Noong Martes, nagdesisyon ang Supreme Court sa na ituloy and election automation kahit hindi pa nagkaroon ng testing sa dalawang syudad at probinsya sa Luzon, Visayas at Mindanao ayun sa batas.

Sa botong 3 (No) – 11 (Yes) at 1(hindi bomoto), sinabi ng mataas na hukuman na “waived” o hindi na naga-apply ang batas na yan.

Ay ewan. Magdasal na lang tayo na hindi magkakalat ang Comelec at Smartmatic-TIM sa 2010 eleksyun at ang kagustuhan ng taumbayan ay lalabas.

Takot si Arroyo kay Chavit

Published by Ellen on September 5, 2009

Related stories in ABS-CBN online: Human Rights chief hits Chavit’s arrogance

Pacquiao supports Chavit

Palagi natin sinasabi na pagpasensyahan na lang si Gloria Arroyo hanggang Mayo ng 2010. Total, siyam na buwan na lang yan.

Ngunit sa araw-araw na nangyayari, makikita natin na delikado itong natitirang siyam na buwan dahil una, hindi pa talaga nawawala ang posibilidad na gagawa sila ng hakbang na manatili sa kapangyarihan. Dahil maigsi na ang panahon na natititira, lalo silang nagiging garapal.

Pangalawa, maraming pinagkaka-utangan si Arroyo sa kanyang nakaw na pagka-pangulo at lahat yun nag-iisip rin ng proteksyun para sa kanilang sarili. Sanay sila sa pagbastos o pagbaluktot ng batas. May magagawa ba si Arroyo?

Babala sa mga magbubulgar ng katiwalian ng mga Arroyo

Published by Ellen on September 2, 2009

Pambihira namang buhay ito. Sina Joey De Venecia na nga at Jun Lozada ang nagbulgar ng katiwalian sa $329 milyon na NBN/ZTE deal, sila pa ngayon ang kakasuhan.

Si Gloria at si Mike Arroyo naman ay libreng-libre dahil wala raw makitang ebidensya, sabi ni Sen. Richard Gordon, chairman ng Senate Blue Ribbon committee.

Ano ba naman itong si Gordon? Mataas ang respeto ko sa kanya dahil sa kanyang ginawa sa Subic kung saan ginawa niyang industrial at tourism hub nang inalis ang U.S military base noong 1992.

Category: Abante