Abante – Page 23 – ellen tordesillas

Pagpapatawad kay Gloria Arroyo

Published by Ellen on December 21, 2009

Kapag panahon ng Pasko, madalas sabihin magpapatawad at magbati tayo sa ating mga naka-away.

Medyo mahirap gawin yan kay Gloria Arroyo at sa kanyang mga kampon kasama na doon ang pamilyang Ampatuan. Paano ka naman magpapatawad kung wala ka namang nakitang pagsisisi?

Tinitingnan ko sa TV si Mayor Andal Ampatuan Jr. noong dinala siya sa Department of Justice para sa preliminary hearing at parang maluwag ang turnilyo nito. Duwag pala itong halimaw na ito. Nang hiniwalay siya sa kanyang abogado, nagmamaka-awa siyang, “Atty, huwag mo akong iwan.”

Ito ang taong walang- awang nagpatay ng 57 na taong walang kasalanan sa kanya. Hindi siya sinagi, hindi siya sinaktan. Ngunit basta lang niya pinagbabaril na parang mga manok.

Habang pinapanood ko ang interview ni Anthony Taberna kay “Abdul” ( hindi niya totoong pangalan) ang lalaking nagsabi na sampung taon pa lang siya ng kinuha siya at tinuruan ng mga Ampatuan pumatay, na-alaala ko ang “Blood Diamonds”. Di ba doon sa pelikula, hinanap nina Leonardo di Caprio at ang tatay ng bata ang kampo kung saan sinasanay ang mga bata magiging killer. Meron palang ganoong kampo sina Ampatauan sa bundok ng barangay Upi sa Maguindanao.

Dismaya sa alyansa ng militante sa NP

Published by Ellen on December 18, 2009

Marami ang nadismaya sa pagsama ng mga militanteng pulitiko na Satur Ocampo ng Bayan Muna at Liza Maza ng Gabriela sa kanilang pagsama sa tiket ng Nacionalista Party.

Dati kasi pa-ayaw ayaw pa sila dahil kasama raw si Bongbong Marcos. Ngunit noong isang araw, natuloy na rin. Ang usapan yata hindi sila magsama sa entablado. Anong diperensya nun?

Si Bibeth Orteza naman, iba naman ang dahilan ng kanyang pagkadismaya. Pinadala sa akin ng isang kaibigan ang text sa kanya ni Bibeth.

Ang text ay pagre-resign ni Bibeth sa Gabriela, ang militanteng grupo. Sabi ni Bibeth: “Please accept my resignation from Gabriela. I am not worthy enough to support Loren Legarda’s run for the second highest office of the land.”

Wa akong say.

Pagbabayad sa biyayang natanggap

Published by Ellen on December 14, 2009

Nasa krisis ngayon ang career ng sikat na Amerikanong golfer, si Tiger Woods, dahil sa kanyang nabulgar na pambabae.

Kahapon binitawan siya ng isa niyang sponsor, and consulting at outsourcing na kumpanya na Accenture. Ang produktong Gillete ay unti-unti raw na alisin na rin si Tiger sa kanilang mga advertisements. Dumistansya na rin ang Proctor & Gamble at ang inuming Gatorade.

Malaking pera yan kasi umaabot daw ng $110 milyon sa isang taon ang kinikita ni Tiger sa product endorsements lang.

Ngunit sabi ng Nike, loyal pa rin daw sila kay Tiger.

Divisoria shopping

Published by Ellen on December 2, 2009

Pumunta kami ng aking pamangkin kahapon sa Divisoria para bumili ng mga barong at kimona na bilin ng aking sister-in-law sa Amerika.

Tuwing Pasko daw kasi sa U.S, sa party ng Filipino community, Filipiniana ang kanilang theme. Tiningnan ko sa mga department store and presyo ng mga barong at kimona at nadismaya naman ako sa mahal. Ang pinakamura na barong ay P1,700. Ang mga magaganda halos P3,000. Ang kimona naman, ang pinakamura P800.

First time ko pumunta sa Divisoria para mag-shopping dahil hindi naman ako masyado nagsa-shopping. Tuwang-tuwa ako dahil ang laki talaga ng diperensya ng presyo, Ang nakuha kung mga magagandang barong ay P700 at P800 lang. Ang kimona naman P350. Medyo mahal (P900) ang isa kung napili dahil handmade daw ang burda.

Namili na rin kami ng mga ibang regalo. Kaya, ang dami naming bitbit ng pamangkin ko. Medyo ma-trapik lang.

Desparada na si Gloria

Published by Ellen on November 30, 2009

Iba-ibang paraan ang sinubukan ni Gloria Arroyo para manatili siya sa kapangyarihan habang buhay.

Nandiyan yung charter change. Ipinasa ng mga tutal niya sa House of representatives. Hindi nakarating sa Senado.

May mga senyales na binalak niya ang martial law. Kaya ipinuwesto niya sa mga strategic na posisyun ang mga nasa PMA Class ’78, kung saan honorary member siya. Binalaan siya ng Amerika.

Panagutan ni Arroyo sina Ampatuan at ang kanilang krimen

Published by Ellen on November 28, 2009

Marami ang nakapansin na sa pag-aresto kay Mayor Andal Ampatuan,mayor ng bayan ng Datu Unsay, hindi siya nakaposas. Escorted siya ng mga ahente ng National Bureau of Investigation at kasama rin niya si Presidential Adviser Jesus Dureza.

Sabi ni Justice Secretary Agnes Devanadera sa mga reporter na sumalubong sa kanila s airport, “He is properly restrained.”

Si Andal Ampatuan ang tinuturong nag-utos na pagpapatayin sina Vice Mayor Esmael Mangudadatu at ang kanyang mga kasamahan sa Maguindanao. Ang namatay ay ang asawa ni vice mayor, kapatid at 55 pa. Ayon sa report, 37 sa mga napatay at nawawala pa (hindi pa siguro nakikita ang mga bangkay) ay mga journalist. Ang iba ay mga kasamahan ng mga Mangudadatu at at iba ay talagang namalas lang na nagbibiyahe kasabay ng mga Mangudadatu.

Tunay na “hero” talaga si Efren

Published by Ellen on November 23, 2009

Sinabi ni Efren Peñaflorida, and CNN hero of the year, na hinding-hindi niya papasukin ang pulitika.

Talagang hero talaga.

Yan na yan ang payo ng marami maraming Pilipinong natutuwa sa karangalan na nakuha ni Efren: ang huwag pumasok sa pulitka o magpagamit sa mga pulitiko.

Ang layo niya kay Manny Paquiao na thrilled na thrilled kasama ang mga trapo.

Tumatawa lang siguro si Arroyo

Published by Ellen on November 21, 2009

Tumatawa lang siguro si Gloria Arroyo sa nangyayari ngayon na ang kanyang mga tauhan ay pinag-aagawan ng Liberal Party ni Noynoy Aquino at Nacionalista Party ni Manny Villar.

Noong isang linggo, nakita natin sa TV si Caloocan Mayor Enrico Echiverri na nagtatalon sa tuwa sa kanyang panunumpa sa LP kasama ni dating Senador Ralph Recto, na sumanib na rin sa LP kasama ang kanyang asawang si Batangas Governor Vilma Santos.

Sa Quezon City, si Mayor Sonny Belmonte na loyalista ni Arroyo ay nanumpa na rin sa LP kasama ang kanyang vice mayor na si Herbert Bautista na siya ngayon ay magiging kandidato para mayor at ang anak ni Belmonte na si Joy na tatakbo para vice mayor.

Si Belmonte ay kaibigan ng pamilyang Aquino. Malaki ang kanyang pakinabang noong pangulo si Cory dahil ginawa siyang chairman ng Government Service Insurance System.

Pangilinan: dikit kay Noynoy, boto kay Villar

Published by Ellen on November 18, 2009

Isinantabi ng Senado ang resolusyon na nagpapawalang-sala kay Senator Manny Villar sa ma-anomalyang kaso ng kalsada sa C-5 dahil sa hindi sumunod sa tamang proseso.

Ito talaga si Villar, mukhang mahilig sa shortcut at pailalim na operasyun.

Ngunit hindi opisyal ang resolusyun, nabuking ang mga senador na kumampi sa pagpawalang sala kay Villar. At ang isa dito ay si Sen. Francis “Kiko” Pangilinan.

Ang ibang pumirma ay sina Aquilino Pimentel, Alan Peter Cayetano, Pia Cayetano, Lito Lapid, Gregoriio Honasan, Joker Arroyo, Miriam Santiago, Ramon Revilla Jr., Jinggoy Estrada, Loren Legarda at Villar. Talagang walang delikadesa itong si Villar. Pumirma para ipawalang-sala ang sarili. Hindi man lamang nag-abstain.

Mga paru-paru sa senatoriables

Published by Ellen on November 16, 2009

Ito muna ang mga kandidato para senador ng Liberal Party:Dating Senate President Franklin Drilon, dating senador Serge Osmeña III, Brig. Gen. Danny Lim na hanggang ngayon ay nakakulong, Rep. Ruffy Biazon, Rep. Teofisto Guingona, Jr.,. Akbayan Rep. Rissa Hontiveros-Baraquel, dating Rep. Neric Acosta, dating senador Ralph Recto, na dating ring NEDA director general as administrasyun ni Gloria Arroyo at Sonia Roco.

Siyam lang yan. Pupunuin rin nila yan bago Disyembre 1, ang deadline ng filing ng certificate of candidacy para sa mga kakandidato sa mga posisyun pang-nasyunal.

Hindi pa pinapalabas ng Nacionalista Party na pinamumunuan ni dating Senate President Many Villar ngunit may nagsabi sa akin na kasama raw doon sina Sen. Miriam Santiago, Sen. Pia Cayetano, Col. Ariel Querubin na nakakulong hanggang ngayon, Bayan Muna Rep. Satur Ocampo, Gabriela Rep. Liza Maza at Ramon “Bong” Revilla, Jr.

Category: Abante