Category: Abante

Hindi baril ang solusyon sa lumalaganap na krimen

Published by Ellen on April 16, 2011

Sa halip na magbigay siya ng panahon sa pagtuturo sa mga prosecutor o piskal kung paano maging asintado sa pagbabaril, dapat siguro ang asikasuhin ni Pangulo Aquino ay ang solusyon sa nakakabahalang sitwasyun ng peace and order sa bansa.

Sa kanyang talumpati sa National Convention ng Prosecutors League of the Philippines sa General Santos City, nagboluntaryo si Aquino na maging instructor ng prosecutors sa pagbabaril. Ang isang hilig kasi ng Pangulo maiban sa mamahalin at mabibilis na kotse at maglaro ng computer games at mag-baril.

Maganda naman sana ang kanyang speech. Sinabi niya na alam niya ang panganib na sinusu-ong ng mga prosecutor na siyang tagapagtanggol ng pamahalaan at mamamayan sa mga kasong criminal. Merong public prosecutors na empleyado ng pamahalaan at merong private prosecutors, mga abogado na kinukuha ng mga biktima.

Si Politician at si Sexy Star

Published by Ellen on April 12, 2011

Maganda itong kwento ng aking kaibigan. Hindi ko na sasabihin ang pangalan. Alam nyo siguro kung sino-sino sila:

Nangyari daw ito sobra isang taon na. May girlfriend na seksing artista ang isang pulitiko na anak din ng isang makapangyarihang opisyal ng bansa.

Mahilig sa kabayo itong pulitiko at may rantso sa Batangas. Maganda raw ang bahay niya doon sa rantso. Mahilig daw kasi ang kanyang asawa sa interior designing.

Minsan, dinala ng pulitko ang girlfriend doon sa bahay sa rantso. Hanga-hanga raw siya sa ganda ng bahay.

“Ang ganda naman,” sabi daw ni Sexy star. Sabi daw ng caretaker, “Oo. Talagang pinaganda ni Ma’am ,” at sinabi ang pangalan ng asawa. Sinabi pa na talagang pina-order ang mga mamahaling gamit sa bahay.

Medyo nasira daw ang mood ni Sexy star. Bigla niyang sinabing pupunta siya sa pinakamalapit na SM. Pumunta nga at namili ng mga furniture para sa bahay at pinadeliver doon sa rantso kaagad-agad. Pinalitan ang furniture at mga mamahaling décor ni Misis ng pinamili niya sa SM.

Naglagay pa siya ng mga negligee or mga seksing damit pantulog sa cabinet sa kuwarto.

Palaban pa rin si Willie

Published by Ellen on April 9, 2011

Wille announcing taking a break 1 — Will be back

Palaban pa rin si Willie Revillame kahit atras muna siya ng dalawang linggo habang nag-aalisan isa-isa ang mga advertisers sa kanyang show na Willing Willie.

Sa totoo lang inunahan lang niya ang MTRCB (Movie and Television Review and Classification Board). Alam ng TV5 at ni Willie na suspindihin naman talaga siya.

May naka-usap kami noong isang linggo bago ang ikalawang hearing noong Huwebes at ang sabi niya buo sila sa opinyun na mali ang ginawa ni Willie sa kanyang show noong Marso 12 kung saan pinag-tripan niya ang anim na taong gulang si Jan-Jan Suan habang nagsasayaw ng “macho dance’. Tawa naman ng tawa ang nasa audience.

Enjoy sila samantalang halos naiiyak na ang bata. Linagay pa ni Willie sa mas mataas na platform ang bata at pina-ulit pa ng malaswang sayaw bago binigyan ng P10,000.

Ni minsan hindi inamin ni Willie na nagkamali siya. Sabi niya noong Biyernes,“Wala po kaming kasalanan. Wala po akong kasalanan. Humihingi po ako ng paumanhin sa inyo, na kung mayroon po kaming na-offend. Pero hindi po kami hihingi ng tawad kasi ho, wala po akong ginawang masama sa batang iyon. Hindi ko minolestiya ang batang iyon,” sabi niya.

Inalis na muna ng Jollibee ang ‘Mang Inasal’ sa Wiling-Willie

Published by Ellen on April 3, 2011

Related article: Child Abuse and the macho-dancing boy

Ang desisyun ng Jollibee Corporation na alisin muna ang advertisement ng Mang Inasal sa Willing-Willie habang ini-imbestigahan ng TV5 at ng MTRCB ang insidente noong March 12 ay nagpapakita na ang kanilang imahen na pangpamilya ay hindi lamang sa promosyon.

Talagang isanasambuhay nila ang tamang kaugalian na respeto at pangangalaga sa bawa’t miyembro ng pamilya, bata man o matanda.
Sumulat si Pauline Lao, ang namamahala ng corporate Media ng Jollibee Foods Corporation na may-ari ng 80 per cent ng Mang Inasal na mga restaurant kay Froilan Grate na siyang namamahala ng “Para kay Jan-Jan Facebook” at sinabing sa loob ng isang linggo, hindi na muna sila maglalagay ng advertisement sa Willing –Willie.

Sinabi ni Lao na hindi naman talaga naga-advertise ang Jollibee, Chowking, Greenwich at Red Ribbon sa Willing-Willie.

Walang katapusang pag-aaral

Published by Ellen on March 5, 2011

Tinanong ni Sen. Franklin Drilon at Sen. Jinggoy Estrada ang representative ng Ombudsman sa hearing ng Blue Ribbon Committee na nagi-imbestiga ngayon ng plea bargain agreement kay dating military comptroller Carlos Garcia kung ano na ang nangyari sa kanilang pangako ng bawiin o ipahinto sa Sandiganbayan ang kontrobersyal na kasunduan.

Sagot ng kinatawan ng Ombudsman, “pinag-aaralan pa.”

Hindi ko nakuha ang pangalan ng Ombudsman dahil nagbrownout sa amin at lumipat ako sa radyo. Medyo inis ang dalawang senador dahil mag-iisang buwan na mula ng nangako sila na pag-aaralan ang pagbawi ng plea bargain agreement halatang namang talong-talo ang mamamayang Pilipino. Biruin mo sa P303 milyon na nahuling nakaw na yaman ni Garcia, pumayag ang Ombudsman na P135 lang ang ibalik. Pwedeng nang itago ni Garcia ang P168 milyon.

Ang konsyerto ng mga palaka

Published by Ellen on February 27, 2011

sanggumay3 — My sanggumay. Still a beauty but not so fragrant anymore.

Habang nagkakantahan at nasasayawan sina Pangulong Aquino sa EDSAnoong Biyernes sa kanilang pagdiwang ng 25 taong anibersayo ng People Power, ako ay nakikinig sa kunsiyerto ng mga palaka.
Tuloy-tuloy hanggang lampas ng hatinggabi ang kunsiyerto ng mga palaka. Minsan may nagso-solo,pagkatapos pumapasok na parang background music. Ang galing. Talo si Ogie Alcasid at ang kanyang mga all-stars performers sa EDSA.

Sobra isang linggo na ako sa aming baryo sa Guisijan sa Antique at talaga namang nakaka-relax ang sariwang hangin, sariwang isda at sariwang gulay.

Nasubukan nyo na ba ang masaheng alon? ‘Yan ang nangyari sa akin noong isang linggo. Pinaghahampas kami ng alon. Masaya kaya lang masakit sa katawan.

Hindi masyadong damdam ng mga kapitbahay namin dito and selebrasyon ng EDSA1. Natutuwa lang ang mga bata dahil wala silang pasok kaya naligo kami sa dagat. Nang gabi nga nasalubong ko ang aming kapitbahay at sinabi niya makikinood daw siya kanyang katabing bahay ng “Willing-Willie.” Mukhang mas mabenta ang Willing-Willie kaysa EDSA1 na palabas.

Pasalamat ni Capt. Dante Langkit

Published by Ellen on February 15, 2011

Nakatanggap ako kahapon ng text galing kay dating Army Capt. Dante Langkit, isa sa napawalang sala noong Lunes sa court martial na naglilitis ng mutiny pag-aklas daw laban kay Gloria Arroyo noong Pebrero 2006 pagkatapos mabulgar na nandaya siya noong 2004 na eleksyun gamit ang military.

Sobra apat na taon ding nakakulong si Langkit. Nakalabas siya kasama ang kapwa niyang akusado nang naalis na sa Malacañang si Gloria Arroyo. Pinayagan siyang lumabas din noong kampanya dahil tumakbo siya bilang gubernador ng Kalinga. Natalo siya.

Ito ang kanyang text para sa amin ni Charmaine Deogracias ng NHK TV: “ Thank you for your support. All through the times of our ordeal you were there. In fact it was in those times that we came to know one another. You were one of the very few whose presence we felt.

“Those moments were bleak as though the right things which we believed in as basically right and noble for our country were not right after all. Our older brothers became our executioners and PMA was silent when we were unjustly incarcerated.

Panibagong imbestigasyun ng Dacer-Corbito murder case

Published by Ellen on February 5, 2011

Statement of Sen. Panfilo “Ping” Lacson:

Secretary Leila de Lima should stop using brute reason in interpreting the court of appeals ruling dismissing the case against me which she claimed she has not even read.

Let me remind her that in a civil and common law system like ours, the hierarchy of courts places the supreme court at the highest level and is therefore the sole authority to reverse the court of appeals in its ruling and decision. – not any of the lower courts of the land and certainly not the secretary of justice.

The appellate court has ruled that there is no probable cause to indict me for two counts of murder and categorically nullified the warrant of arrest that the Manila RTC branch 18 issued against me. De lima cannot place herself above any court of law. Otherwise, the justice system becomes defective and worse, will self-destruct.

Continue readingPanibagong imbestigasyun ng Dacer-Corbito murder case

Mukhang may natutunan si Aquino sa mga naunang palpak

Published by Ellen on January 30, 2011

Visiting bus blast victims — Click to view enlarged

Mga alas-dos ng hapon ng sumabog ang bomba sa isang bus ng Newman Goldliner sa EDSA noong Enero 25, alas –singko ng hapon, may statement na si Pangulong Aquino na nakikiramay sa mga nasawi at nasaktan at nangakong hindi titigil hanggang maparusahan ang gumawa ng karumal-dumal na krimen.

Aba, malaking bagay yan. Tatlong oras lang ang nakalipas, nagsalita na siya. Kahit pa sabihin nating “motherhood statement” lang ang sinabi niya, kahit naman papaano nagsalita at bumisita pa ng gabing yun din sa mga dinala sa ospital.

Malayong-malayo sa nangyari noong Agosto 23 nang nanghostage ang isa maykasong pulis ng isang bus na puno ng turista galing Hongkong. Umaga nagsimula ang panghu-hostage, inabot na ng gabi ni isang sentence, walang sinasabi si Aquino. Hindi nga alam ng marami kung nasaan siya ng mga oras nay un at kung alam niya ang nangyayari.

Naisalba ni Rabusa ang konsyensa at kaluluwa

Published by Ellen on January 29, 2011

Sa Senate hearing noong Huwebes, tinanong ni dating chief of staff ng Armed Forces of the Philippines Angelo Reyes si dating military budget officer Lt. Col. George Rabusa,”During the time that I was chief of staff, if I became greedy?” (Noong panahon na ako ang chief of staff, naging gahaman ba ako?

Ang talagang tumbok nang tanong ni Reyes ay kung siya ay naging madamot at sinusulo lang ang pera.
Sinupalpal siya ni Sen. Jinggoy Estrada: “Hindi isyu kung ikaw ay gahaman. Ang isyu ay kung ikaw ay corrupt na hepe ng Armed Forces. Anong paki-alam namin kung ikaw ay galante?”

Shocked talaga si Reyes sa paglitaw ni Rabusa na iba na ang tuno ng kinakanta. Kasama na dito si Maj. Gen. Carlos Garcia, dating military comptroller na ang kanyang ma-eskandalong plea bargain agreement sa Ombudsman, ang ini-imbistiga ng Senado at House of Representatives. Pati na rin siguro si retired Lt. Gen. Jacinto Ligot, dating military comptroller din katulad ni Garcia at Rabusa ay inakusahan ng pandarambong sa pamagitan ng paggamit ng pera na para sa mga sundalo para sa kanilang pansariling kapakanan.