Pagpupugay sa OFW

From Eric Gallardo:

Karagdagan lamang sa mga sinabi mo patungkol sa sakripisyo ng mga OFW. Nagsimula akong magtrabaho sa abroad noong 1988. Tumigi ng limang taon after 8 years sa Saudi. Ang tunay na dahilan (maaaringhindi ito alam ng nakakarami dahil sa dami ng nagsusulat patungkol sa OFW, wala akong nabasa ng ganitong mga insindente), dahil sa takot na hindi na ako makilala ng aking mga anak.

Umalis ako na limang taon ang aking anak na babae at anim naman ang lalaki. Hinding hindi ko malilimutan bago ang unang hakbang ko papaalis ng aming bahay pa-Saudi, na ang anak kong babae ay malungkot, dahil mas malapit siya sa akin, ang lalaki ay laking lolo at lola. Umiyak siya at ayaw akong paalisin.

Sa aking unang walong taong pagtatrabaho sa Saudi ay tunay na hindi naging madali lalo na na hindi pa uso noon ang cell phone. Natrugger lamang akong tumigil pansamantala dahil na rin sa sharing ng isang kapatiran patungkol sa naging relasyon niya sa kanyang mga anak.

Nang minsang nagbakasyon siya, nakaramdam siya ng pagkainggit sa kanyang asawa dahil sa malambing na pgtingin ng anak na babae sa kanyang asawa. Naitanong niya sa anak, pabiro man o hindi, “bakit sa akin hindi ka malambing?” Ang naging tugon ng anak; “Bakit? Nasaan ba kayo?”

Isang dagok sa dibdib ang kanyang naramdaman.” At dahil doon, naalala ko ang aking unang uwi pagkatapos ng 2 taong tuloy-tuloy na trabaho sa Saudi. Hindi maiipaliwanag ng anumang salita ang aking excitement na makapiling agad ang aking pamilya. Pagbaba ko ng sasakyan, ang anak kong babae (na noon ay 7 taon na) ang unang sumalubong sa akin. Sabik akong yakapin sana siya subalit naudlot ng ilang sandali dahil nandoon ang kanyang pagaalinlangan na yakapin ako na para bang hindi niya ako kakilala. Iyon ang nagging dahilan kaya ako tumigil sa pag-aabroad noon 1996.

Ito ang mga bagay na hindi alam ng ating pamahalaan, ang epekto sa mga bata ng pagkakawalay sa sinoman sa kanilang ama o ina. Hindi iilan ang mayroon ganitong karanasan sa loob ng tahanan. Subalit ano ang ginawa ng OWWA? Alam ba nila ito. Ano ang ginawa nila para hindi masira ang relasyon ng magasawa? Hiindi ko sinisisi ang gobierno sa ganitong mga insidente, subalit alam-na-alam nila ang mga pangyayaring ito na pangkaraniwan ng nangyayari sa pamilya ng mga OFW. Anong klaseng pangangalaga na ba ang nagawa na ng OWWA para sa mga kababayan nating OFW?

Noong panahong iyon na tumigil akong magabroad, sinubukan kong magpunta sa OWWA para magapply ng loan. Subalit nabigo lamang ako dahil sa napakaraming bagay nilang hinihingi na para bang ayaw naman talagang magpautang. Hindi ko na uungkatin ang mga iyon, dahil naniniwala akong hindi na lihim sa iyo ang mga iyon.

Sa ngayon, ako ay narito sa Qatar at patuloy na sumusubaybay sa iyong mga ulat. Para sa ating gobierno, sa mga corrupt na nanunungkulan, makamit man ninyo ang yaman ng mundong ito, tandaan ninyo, hindi ninyo madadala iyan sa inyong huling hantungan. Malibang kayo ay magsipagsisi, sa impierno ang kalalagyan ninyo, lalo na kayong mga umaagwat ang idad, kakaunti na lamang ang ilalagi ninyo sa mundo, kaya magsisi na kayo.

Ms. Ellen, pagpalain ka ng Dios, sumaiyo ang mayamang biyaya ng Panginoon. Dalangin ko para sa iyo ang patuloy na katalinuhan at katapangan sa pagsisiwalat ng katotohanan at patuloy na ang pagiingat ng Dios ay sumasaiyo. Purihin ang Dios sa buhay mo.

From JC:

Salamat Ate Ellen sa article mong ” PAGPUPUGAY SA OFW ” as an OFW, natumbok mo ang lahat ng saloobin at nararanasan naming mga OFW. Nakakasakit nga ng loob na para bang wala ng oppurtunity na tumigil sa pagtatrabaho kaming OFW (swerte ka kung di ka mareretrench) para magstay na lang sa Pinas, dahil nga halos wala ka rin naipon dahil sa laki ng gastusin jan at pag papaaral sa mga bata.

Tulad ko Ate Ellen, nagtrabaho na ako sa disyerto ng Saudi Arabia, sa Dubai at ngayon nandito ako sa Australia. Marami nag sasabi maswerte na rin ako dahil may trabaho ako sa abroad, pero di ko alam kung napakaswerte na nga ba talaga na makapagtrbaho ka sa abroad na di kapiling ang asawa at mga anak. Sabihin natin na financial stabilty, oo, pero yung present ka physically para sa family yun na siguro ang swerte, kaso ano magagawa namin kundi lumaban at magtiis sa lungkot para mabigyan lang ng magandang buhay ang aming mga pamilya.

Napakasarap ng pakiramdam pag umuwi at magbakasyon ka sa pinas kahit 1 buwan every year man lang, lahat ng kasabikan mararanasan mo at halos ayaw mo nang tumakbo ang oras para lang di ka agad bumalik abroad. Pero eto na ang pinakamasakit sa lahat ng OFW na may asawa’t anak yung oras na babalik kana sa bansang pinagtatrabahuhan mo, halos di mo na maihakbang ang yung mga paa paalis, lalo na pag nakikita mo na ang iyong asawa na lumuluha at mga anak na nag iiyakan, lahat nakayakap sayo …… halos madurog ang puso mo at para bang may sumasaksak sa dibdib mo … pero ano magagawa namin kaylangan umalis, kaylangang magtiis … sana maranasan din ng mga gahaman natin pulitiko ang ganong pakiramdam lalo na yung walang pakialam at kuntento na sa pagkurakot sa pera ng bayan.

Isa pa Ate Ellen yung pagpapaaral sa mga bata, yung kurso na pinakukuha natin sa kanila na alam natin available sa abroad tulad ng nurses, engineeringg or IT courses. Pero ganun nga ba talaga? pinag aaral natin sila para lumayo din at mag trabaho sa abroad, hinahanda na natin sila para lumayo rin sa Pinas. Na iiwan din ang pamilya na katulad ko kung sakali ng mag stay na sa Pinas ….. ay ang mga anak naman ang aalis at sila naman ang lalayo na halos buong buhay nila ay wala ang ama nila na nasa abroad… masakit din diba Ate Ellen. Kasi alam naman natin na saan nila iaaply ang profession nila dito sa atin lalo na sa daming gumagradweyt at hirap ng buhay sa Pilipinas.

Muli Ate Ellen salamat sa article mo tungkol sa aming OFW, at sana dumami ang maging katulad mo na kapakanan ng iba at ipanaglalaban ang tama. Salamat din sa pagvovoice out mo para sa amin.

Padala ni Thino galing daw sa kainigan niyang si Maeng Ni:

Hay buhay Saudi talaga

Akala ng mga tao na nasa Pilipinas kapag nasa Saudi ka akala nila madami ka ng pera ng langis. Ang totoo, madami kang utang, dahil credit card lahat ang gamit mo sa pagbili mo ng mga gamit mo. Kailangan mo gumamit ng credit card kasi naubus na ang cash pinadala sa Pinas.
Kasi pag hindi ka nagpadala, iisipin nila nakalimutan mo na sila.

Akala nila mayaman ka at marami kang pera kasi buwan-buwan libo-libo padala mo walang palya at kapag pumalya iisipin nila baka nagbisyo ka na o may sinusustentuhang iba. Hindi nila alam food allowance na lang ang natitira sayo at pag kinulang pa umuutang pa at lista muna sa malapit na bakala.

Pag may okasyon sa Pinas birthday, fiesta, anniversary, Pasko, New Year, at iba pa, padala ka agad panghanda sarap ng kainan nila, di nila alam ikaw tiyaga sa budget meal, kapsa, noodles o de lata at itlog na nakakabutlig na ng balat, hay naku!

Akala ni Tatay, Nanay, Ate, Kuya, anak, mga pamangkin at iba pa namumulot ka ng pera sa Saudi kada may problema text kaagad, kumusta sa una sa bandang huli kelangan ng pera! Hay naku…nakaka-alergic na ang text sa roaming puro gastos…minsan padala ka pa ng load! Load mo nga utang pa Pana! Hay naku bakit ba nauso pa yan dagdag gastos lang talaga at pag di ka pa reply aawayin ka pa!

Akala nila masarap maging OFW at tinatawag na bagong bayani….naku mas masarap pa yong nasa Pinas na sa katas ni bagong bayani ay syang umaani! Utang sa Saudi lalong dumarami.

Akala nila masarap sa Saudi di nila alam di ka na nga makauwi kasi roundtrip tiket kina-cash pa mapadala lang at ibayad sa utang.

Akala nila sosyal ka na kulay ng buhok mo uso pa at naka-highlight pa, di nila alam buhok mo namumuti na sa stress at problema at pag minalas pa nalalagas pa!

Akala nila masarap sa Saudi kasi pag-uwi mo mestiso ka, maputi at mamula-mula ang balat mo, di nila alam babad ka sa opisina at kulong sa bahay mo dahil no choice ka, mga kapit bahay mo di mo kaano-ano, walang paki-alaman at kung lalabas ka sunog ang balat mo, init ng araw sobra!

Akala nila mayaman ka na kasi may kotse ka na. Di nila alam hulugan pa ito!
Ang totoo, kapag hindi ka bumili ng kotse sa Saudi maglalakad ka ng milya-milya sa ilalim ng init ng araw o kaya sa winter na kasama ang asawa mong naka abaya at nakatarha.. O kaya naman tiyaga kang mag –abang ng Saptco o Coaster na ubod ng babaho ng mga pasahero at pagbaba mo amoy putok ka na rin, grabe! Walang jeepney, tricycle o padyak sa Saudi .. madami mga pakistani, Bangladesh na driver na ubod ng baho. Pag minalas ka Arabo na taxi driver na rapist pa!

Akala nila masarap ang buhay dito sa Saudi . Ang totoo, puro ka trabaho kasi pag di ka nagtrabaho,terminated ka gagawan ka ng kwento ng kapwa mo pilipino!. Hindi ka na pwedeng tumambay sa kapitbahay kasi baka ma-motawa ka pag kasama mo ang syota mo pero madami pading matatalinong matsing ang nakakalusot nagpapagawa ng peke na papel para kunwari kasal, mga imoral!!

Akala nila masaya ka kase nagpadala ka ng picture mo sa Redsand, hidden valley, faisaliah mall, riyadh zoo, corniche, obhur at iba
pang attractions. Ang totoo, kailangan mo ngumiti kase minsan minsan ka lang makakapicture bawal kasi basta basta kumuha ng picture dito makukulong ka.

Akala nila malaki na ang kinikita mo kase riyal na sweldo mo. Ang totoo, medyo malaki pagpinalit mo ng peso, pero riyal din ang gastos mo sa saudi. Ibig sabihin ang riyal mong kinita sa presyong riyal mo din gagastusin.
Ang P15.00 na sardinas sa Pilipinas SAR3.00 sa Saudi , ang isang kaha ng sigarilyo sa pilipinas P40.00, sa Saudi SAR 6.50, alangan namang puro cafeteria food ang kakainin mo aba mamatay ka sa highblood o heap nyan kasi nga umaapaw na sa mantika madumi pa! Mga kadiri, kaya lang pag naubusan ka ng pera no choice you have to take the risk .

Akala nila buhay milyonaryo ka na kase ang ganda ng bahay at kotse mo.nag pa-lypo kay calayan at nagparetoke kay vicky belo, Ang totoo nag loan ka lang sa Saab, Samba o Riyadh bank na huhulugan mo ng limang taon. Ibig sabihin, alipin ka ng bahay at kotse mo at ng luho mo at ng bansang ito !! kasi nga mag-loan ba naman dahil sa luho bwahahaha!

Madaming naghahangad na makarating sa Saudi. Lalo na mga nurses at mga medsec at eto pa pati cleaners, mahirap maging normal na manggagawa sa Pilipinas. Madalas pagod ka sa trabaho. Pag dating ng sweldo mo, kulang pa sa pagkain mo. Pero ganu’n din sa ibang bansa katulad lalo na kaya sa Saudi wala kang outlet ng stress mo !kasi madaming bawal!!! .

Hindi ibig sabihin riyal na ang sweldo mo, yayaman ka na, kailangan mo ding magbanat ng buto para mabuhay ka sa ibang bansa.

Isang malaking sakripisyo ang pag alis mo sa bansang pinagsilangan at malungkot iwanan ang mga mahal mo sa buhay.Hindi pinupulot ang pera dito o pinipitas o iniigib. Hindi ako naninira ng pangarap, gusto ko lang buksan ang bintana ng katotohanan.

Mahirap mangibang bayan…sino ba ang may kasalanan na iwan sariling bayan?
Manilbihan sa dayuhan at malayo sa pamilya ay may kahirapan.
Hangga’t may pinay DH na nangingibang bayan na simbolo ng ating kahirapan, kawawang bayan ni Juan patuloy na mapag-iiwanan.
Kaya Juan iwan ka ng pera para sayo, para sa kinabukasan mo!