Ang mga nauna sa atin

Ang nanay ng aking kaibigan na si Chit Estella, editor ng PJR Reports, ang magasin ng Center for Media Freedom and Responsibility, ay pumanaw noong isang linggo sa Philippine Heart Center.

Sabi ni Chit, mga ilang oras raw bago pumanaw ang kanyang, ina nagkukwento siya tungkol sa kanyang mga yumaong kamag-anak. Para bang sinusundo siya.

Ganoon rin ang Nanay ko noong maysakit siya. Tuwing ma ika-anim ng gabi, palagi niyang kausap ang kanyang mga yumaong kapatid. Sinasabi niya, “Halika. Nagkapag-saing ka na ba?” O kaya sabihin niya, “Ayaw ko pumunta sa tabing dagat.”

Wala ako sa tabi ng nanay ko nang siya ay namatay ngunit sabi ng aming katiwala, sinasabi raw niya sa kanyang yumaong kapati, “Hintayin mo ako.”

Ang isang bagay na sigurado sa mundong ito ay kamatayan. Hindi naman maa-aring habambuhay tayo rito. Ang ating mga yumaong kamag-anak at kaibigan na inaala-ala at pinagdadasal ngayon ay nauna lamang sa atin. Darating ang panahon na susunod rin tayo.

Magandang isipin na kahit sa kabilang buhay ay magkasama pa rin tayo ng ating pamilya ay inaala-layan tayo ng mga nauuna na roon sa ating paglalakbay sa kabilang buhay.

* * *

Malaking bagay ang nagagawa ng internet sa pagbabilis ng kumunikasyon lalo na sa ating mga Pilipino na nagkakahiwalay ang miyembro ng pamilya dahil sa panganga-ilangan na magtrabaho sa ibang bansa.

Ngunit marami pa ring parte ng Pilipinas na wala namang telepono at walang internet. Katulad sa aming barrio sa Guisijan sa lalawigan ng Antique. Kaya mahalaga pa rin ang postal mail sa karamihan ng ating kababayan na na hindi pa inaabot ng telepono at internet.

Dapat hindi na masyadong tambak ang trabaho ng Post Office dahil nabawasan na nga ang nagpapadala ng postal mail Ngunit mukhang hindi pa rin gumaganda ang serbisyo.

Si Rick Isip na nasa Saudi Arabia ay may problema ako sa ating Post Office. “I used to mail letters to my family in Philippines but to my disappointment, it did not reach the recipient. Dalawang beses na nangyari sa akin.

“Maari nyo bang alamin kung ano ang nangyayari sa ating postal service? Alam maraming mga hindi kanais-nais na angyayari diyan kaya hindi nakakarating ang mga sulat sa addressees.”